9-15 აგვისტოს, ბათუმში, Mastercard-ის მხარდაჭერით "ლე მერიდიენ ბათუმსა" და "სფეროში" გაიმართა გია ყანჩელის ხსოვნისადმი მიძღვნილი ფესტივალი, რომლის გამორჩეული პარტნიორები ასევე TBC Concept და Lutecia გახლდნენ.

ფესტივალის განმავლობაში, გია ყანჩელის კომპოზიციებით, სტუმრების წინაშე ნიკოლოზ რაჭველი, ეროვნული სიმფონიური ორკესტრის მუსიკოსები, ლიზა ბაგრატიონი, ნატო მეტონიძე, მერაბ სეფაშვილი, ლიზი რამიშვილი, ნოდარიკო ხუციშვილი, ნიკა ნიკვაშვილი, პაატა ანდრიაძე, ლევან დეისაძე, ზაზა ცერცვაძე, პაპუნა შარიქაძე, არსენი მუნი, გრიგორ ამბარცუმიანი, ნინო ჟვანია, ლაშა დეისაძე, ლუკა თოფურია და სხვა არაერთი ცნობილი თუ ახალი თაობის მუსიკოსი წარსდგა.

ფესტივალის იდეის ავტორი და კრეატიული პროდიუსერი გახლდათ თეო ჯორბენაძე.

ხელოვანთა გაერთიანება კონცეპტArt უკვე რამდენიმე წელია, ლეგენდარული ქართველი კომპოზიტორის იუბილეს სპეციალურად მიძღვნილი ღონისძიებებით აღნიშნავს. წლევანდელი საფესტივალო საღამოები სხვადასხვა საინტერესო თემატიკით, უჩვეულო კოლაბორაციებითა და ცნობილი მელოდიების ახლებური ვერსიების გაჟღერებით იყო გამორჩეული.

ახალი თაობის მუსიკოსებისა და მერაბ სეფაშვილის კოლაბორაციით შექმნილმა პროექტმა - „დიალოგი ზღვასთან”, რომელიც ორიგინალური მუსიკალური კომპოზიციებითა და ვიზუალური მხარით გამოირჩეოდა, სტუმრების აღფრთოვანება დაიმსახურა.

ფესტივალი დააგვირგვინეს ახალი თაობის ვირტუოზმა შემსრულებლებმა და არტისტებმა. მათ მსმენელის წინაშე სრულიად უცხო, საავტორო პროგრამა წარადგინეს. ჯაზის, ელექტრონული და კლასიკური მუსიკის სინთეზით შექმნილი მუსიკალური პერფორმანსი „მზემ სიყვარულს ბგერა უსურვა“ ყველა თაობისთვის განსაკუთრებით საინტერესო აღმოჩნდა.

ადამიანებისთვის დღესასწაულების შექმნა, ხელოვნების სხვადასხვა მიმართულების სინთეზი და ცნობილი არტისტების გაერთიანება სოციალურად მნიშვნელოვანი პროექტების გარშემო - ეს კონცეპტArt-ის ის მთავარი მიზნები და ღირებულებებია, რომელთა გათვალისწინებითაც სწორედ ყანჩელის ფესტივალის მსგავსი შეუფასებელი პროექტები იქმნება ადგილობრივი და საერთაშორისო სცენებისთვის.

ფოტოების ავტორები - ბექა ცირეკიძე & სოფო მელიქიძე

If you can dream it, you can do it