ფონდი „იავნანა“ 28 დეკემბერს მუსიკალური საზოგადოების 2019 წლის მთავარი აღმოჩენის 10 წლის კომპოზიტორისა და პიანისტის ცოტნე ზედგინიძის სოლო-კონცერტს წარმოგიდგენთ.

ცოტნემ ფორტეპიანოზე დაკვრის შესწავლა ხუთი წლის ასაკში დაიწყო მისი ბებიის - ნინო მამრაძის ხელმძღვანელობით, ექვსი წლიდან კი - იმპროვიზირება და საკუთარი ნაწარმოებების შექმნა. იგი უფრო და უფრო დაინტერესდა მეოცე და ოცდამეერთე საუკუნის მუსიკით, უსმენდა და უკრავდა სხვადასხვა ოპერის კლავირს.

ცოტნე ზედგინიძის მოსმენისას გია ყანჩელმა აღნიშნა -  „ეს არის ისეთი ფენომენი, როგორებიც საუკუნეში ერთხელ იბადებიან.“