კონცეპტArt-ის მოძრავი  ფესტივალი „CA Goes to...” 5 ივლისს სტარტს აიღებს და  მთელი წლის მანძილზე სხვადასხვა ჟანრის არტისტებსა და პროექტებს  გააერთიანებს.   „CA Goes to“  ეწვევა თელავს, მუსიკალური გაჩერებები  რაჭის რეგიონში, ქუთაისსა და ბათუმშიც იგეგმება.

ერთ-ერთ ყველაზე შთამბეჭდავ და პირველ გაჩერებას „ახალი თეატრი“ უმასპინძლებს, სადაც 14 ივლისს ლეგენდარული გია ყანჩელის 85 წლის იუბილესადმი  მიძღვნილი საღამო გაიმართება.

„გზა ისევ შორია“ - მაესტროს სიცოცხლის უკანასკნელ წლებში ახალი თაობის მუსიკოსების მიერ შექმნილი ორიგინალური პროექტი, გია ყანჩელის  მიერ კინოსა და თეატრისთვის შექმნილი მინიატურები Georgian Six-ის შესრულებით.

ქეთევან ქართველიშვილი / ირაკლი ტყვაცირია / თორნიკე მერაბიშვილი / სოლიკო გოგილაშვილი  / ზვიად მიჩილაშვილი / ვანო დვალიშვილი

პროექტი ხორციელდება თბილისის მერიის მხარდაჭერით.