ხელოვანთა გაერთიანებამ კონცეპტArt და ფონდმა„იავნანა“ 31 მაისიდან 7 ივნისის ჩათვლით, ახალი თაობის ვირტუოზი მუსიკოსების ფესტივალი წარმოადგინა The New Generation Music Festival. ფესტივალში მონაწილეობა მიიღეს საერთაშორისო კონკურსებისა და ფესტივალების ლაურეატებმა -  ახალგაზრდა და პატარა მუსიკოსებმა, რომლებიც უკვე წლებია სოლო კონცერტებს მართავენ სიმფონიურ ორკესტრებთან საქართველოსა და მსოფლიოს პრესტიჟულ საკონცერტო დარბაზებში. ფესტივალი 31 მაისს გაიხსნა.