ფილმის ტრეილერი / სევდის ანგელოზები
ვიდეო / ლიზა ბათიაშვილი & ნიკოლოზ რაჭველი & City Lights
ვიდეო / გაატარე ზაფხული საქართველოში
ვიდეო / ანიტა რაჭველიშვილის კარმენი მეტროში
ვიდეო / ზამთარია... სიცივეა...
სცენარისტი / პროდუსერი / რეჟისორი
ხელოვანთა კავშირის კონცეპტArt დამფუძნებელი & საქველმოქმედო ფონდ "იავნანას" თანადამფუძნებელი
დაიბადა კომპოზიტორ თამაზ ჯობენაძის ოჯახში, ადრეული ასაკიდან სწავლობდა მუსიკას, დაამთავრა მე-2 მუსიკალური სასწავლებელი, თუმცა საბოლოოდ, სცენარისტის პროფესია აირჩია და 1997 წელს დაამთავრა საქართველოს ხელოვნების ინსტიტუტის თეატრალური ფაკულტეტი. მოგვიანებით, მაგისტრატურა - დოკუმენტური კინოს რეჟისურა, საქართველოს შოთა რუსთაველის სახელობის კინოსა და თეატრის სახელმწიფო უნივერსიტეტი. მიენიჭა აუდიო-ვიზუალური ხელოვნების არტისტის მაგისტის ხარისხი.
1995-1998 წლებში იყო საზოგადოებრივ-პოლიტიკური გაზეთის "კვირის ფოსტა" ავტორი და კულტურის გვერდის რედაქტორი, მთავარი რედაქტორი - ბესიკ ხარანაული.
1996 წლიდან ავტორად და რედაქტორად მუშაობდა ცენტრალური ტელევიზიის „მეორე არხზე“. აგრეთვე, ლიტერატურული ნაწილის გამგედ და საზოგადოებასთან ურთიერთობის განყოფილების ხელმძღვანელად ნოდარ დუმბაძის სახელობის მოზარდმაყურებელთა თეატრში.
არის 50-მდე საგაზეთო სტატიისა და თეატრალური რეცენზიის ავტორი. აგრეთვე, სატელევიზიო ფილმების „მე-14 საპყრობილე“, „წონასწორობა“, „17 მაისი - დაუსრულებელი სიმფონია“, "სევდის ანგელოზები" - ფილმი გია ყანჩელის შესახებ. ფილმი „სევდის ანგელოზები“ ნაჩვენები იყო ბათუმის საერთაშორისო კინო ფესტივალზე „Biaff” და თბილისის საერთაშორისო კინოფესტივალზე. ფილმი ასევე სელექცირებული იყო Amsterdam Lift-Off Film Festival Online ფესტივალზე.
2000- 2003 წლებში იყო საქართველოს საზოგადოებრივი მაუწყებლისა და სტუდია აუდიენციის ერთობლივი სატელევიზიო პროექტის „მიამბეთ თქვენზე“ 40 ფილმის სცენარსტი.
1998-2011 წლებში სცენარისტად და პროდიუსერად მუშაობდა გერმანული ორგანიზაცია "მელხიორსგრუნდის" მიერ საქართველოს, გერმანიას, პოლონეთსა და ბოსნიაში განხორციელებულ საერთაშორისო თეატრალურ პროქტებში „კავკასიური ცარცის წრე“, „კაბარე“, „კარგი დროება“, „ზაფხულის ღამის სიზმარი“.
2004 წლიდან დღემდე არის პაატა ბურჭულაძის საერთაშორისო საქველმოქმედო ფონდის „იავნანა“ სამხატვრო ხელმძღვანელი. მისი სცენარითა და პროდიუსინგით 100-ზე მეტი სატელევიზო მარათონი და გალა-კონცერტი გაიმართა, როგორც საქართველოში, ასევე მსოფლიოს ცნობილ თეატრებსა და საკონცერტო დარბაზებში (Grand Teatre del Liceu, Israeli Opera The Athens Concert Hall Megaron, Paris Salle Pleyel , Strasbourg concert hall, Hamburg Elbphilharmonie and ect.) ფონდის მხარდამჭერ საქველმოქმედო საღამოებში მონაწილეობდნენ და სოლო-კონცერტებს მართავდნენ ლეგედარული არტისტები: მონსერატ კაბალიე, პლასიდო დომინგო, ფერუჩო ფურლანეტო, დოლორა ზაჯიკი, რენატო ბრუზონი, ჯუზეპე ჯაკომინი, დიმიტრი ხვოროსტოვსკი, ევგენი კისინი, მიშელ კრაიდერი, მარჩელო ალვარესი, რამონ ვარგასი, ამბროჯიო მაესტრი და სხვა.
იყო კრეატიული პროდიუსერი სახელგანთქმული მუსიკოსების პროექტებისა: პაატა ბურჭულაძე, ქეთი მელუა, მიშელ ლეგრანი, კრის ბოტი, ანიტა რაჭველიშვილი, ნინო მაჩაიძე, ლიზა ბათიაშვილი, ნანი ბრეგვაძე, გია ყანჩელი, ნიკოლოზ რაჭველი, ნინო ქათამაძე, ბექა გოჩიაშვილი და სხვა.
თეონა ჯორბენაძეს მჭიდრო შემოქმედებითი თანამშრომლობა აკავშირებს საქართველოს ეროვნულ სიმფონიურ ორკესტრთან, 2012 წლიდან ორკესტრის წარმომადგენლობითი საბჭოს წევრია.
2014 წელს მან დაარსა ხელოვანთა გაერთიანება კონცეპტArt, რომლის პირველივე პროექტი, თეატრალური წარმოდგენა „მეხსიერების ბარათი - მსოფლიო კინომუსიკის შედევრები“ პოპულარობითა და გაყიდული ბილეთების რაოდენობით უპრეცენდენტოდ იქცა საქართველოში. კონცეპტArt მნიშვნელოვანი პლათფორმა გახდა ახალი თაობის არტისტებისთვის.
2017 წელს გაიმარჯვა მედია-ჰოლდინგ „ფორტუნას“ ყოველწლიური დაჯილოვების ცერემონიის „ოქროს ტალღა“ ნომინაციაში - წლის საუკეთესო პროდუსერი.
2019 წელს დაარსა კლასიკური მუსიკის ფესტივალი The New Generation Music Festival.
2020-2021 წლებში იყო ავტორი პროქეტისა "მუსიკა შენს ფანჯრებთან" , რომელიც ცნობილ არტისტებთან ერთად პანდემიით გამოწვეული ლოქდაუნის დროს ტრაილერზე აშნებული სცენით აკითხავდა ეზოებში შინ გამოკეტილ მაყურებელს. აგრეთვე, განახორციელა ფესტივალები "უღრან ტყეში", CA Goes To და გია ყანჩელისადმი მიძღვნილი ყოველწლიური ფესტივალი ბათუმში.
მისი სცენარითა და რეჟისურით საერთაშორისო აღიარების მევიოლინესთან ლიზა ბათიაშვილთან ერთად განახორციელდა პროექტი "City Lights - Follow your dreams", მუსიკალური ვერსიების ავტორი და დირიჟორი - ნიკოლოზ რაჭველი. წარმოდგენის მსოფლიო პრემიერა შედგა ბერლინში, პოტსდამის თეატრში 2023 წლის 14 მაისს.